Mihi

He tika hoki, me mihi tātou ki ngā mate kua hinga i te toki o Aituā.

Haere koutou ki te moana nui, te rerenga o ngā waka i hoehoe ai e rātou mā, ka ngaro i te tirohanga kanohi. Heoi anō, e mau tonu ana i ngā tōpitopito o te ngākau.

Koutou anō koutou kua wehe atu ki te ao wairua
Hoki wairua awe atu rā ki te Toi rauihi

I muria ai te ira ki te whei ao ki te ao mārama

E ngā mana, e ngā reo, e ngā karangaranga maha o te motu

Tēnā koutou katoa.

Ki a koutou ngā kaipupuri o ngā taonga ā kui mā ā koro mā, tēnei te mihi maioha o tō tātau kāreti ō Te Aute ki a koutou, ngā pākeke, ngā mātua, ngā tamariki me ngā mokopuna. Harakoa mātou kuawhakaaro pai i a koutou ka tukuna mai ā koutou tama ki te Kāreti o Te Aute, kiawhai i ngā akoranga ā ō tātou mātua tipuna me ngā akoranga o te ao hurihuri nei.  Kei konei mātou ngā māhita me ngā kaimahi ki te whangai atu i te matauranga ki a rātou, kia whakatutuki pai i ō koutou wawatā mō rātou.  Kei konei hoki te aroha, te manaaki me te tautoko mō ā koutou tamariki, mokopuna kia noho tau i raro i te aroha me te manaakitanga o tō tātou nei Matua nui i Te Rangi.

Nō reira e te whānau whānui o Te Aute, ka nui anō te mihi ki a koutou katoa

Tēnā koutou, tēnā koutou, tēnā koutou katoa.